Днепр (шаҳар)

Днепр (1926-йилгача Екатеринослав) — Украина давлатида жойлашган шаҳар, Днепропетровск вилояти маркази. Днепр дарёсидаги порт. Темир йўл тугуни. Аҳолиси 1134 минг киши (1997). Қора металлургия (2 та металлургия заводи, 2 та қувур прокати заводи ва б.), машинасозлик зди, оғир пресс ишлаб чиқариш бирлашмалари, кон-шахта, металлургия жиҳозлари, станоксозлик, электровозеозлик, комбайн заводлари, радиозавод ва б., кимё (пластмасса, шина ишлаб чиқариш), кокс кимёси, курилиш материаллари, енгил, озиқ-овқат саноати корхоналари бор. Украина Фанлар академиясининг илмий маркази, 9 олий ўқув юрти (жумладан 2 университет), 5 театр (опера ва балет театри ва б.), 3 музей (шу жумладан бадиий ва тарихий музейлар) мавжуд. Д.га 1776 йил асос солинган. Потёмкин саройи (ҳоз. Талаба саройи, 18-аср охири), Преображенский кафедрали собор (19-аср) сақланган.

Адабиёт

• ЎзМЕ. Биринчи жилд. Тошкент, 2000-йил