Albert Camus

Gʻarbiy falsafa XX asr
Ism	Alber Kamyu
Tavalludi	7-noyabr 1913-yil(1913-11-07) Mondovi, Jazoir
Vafoti	4-yanvar 1960-yil(1960-01-04) (46 yoshda) Villeblevin, Fransiya
Falsafa maktabi	Absurdizm Adabiyot boʻyicha Nobel mukofoti (1957)
Asosiy qiziqishlari	Etika, Inson tabiati, Adolat, Sevgi, Siyosat
Mashhur fikrlari	"Absurd birinchi haqiqatdir" "Doimo juda uzoqqa borgil, zero oʻsha yerdagina haqiqatni topasan." "Isyon qilaman; demak mavjudman."
Olgan taʼsirlari	Michael Novak, Thomas Merton, Jacques Monod, Jan-Pol Sartr

Albert Camus (talaffuzi: Alber Kamyu) (7-noyabr, 1913 – 4-yanvar, 1960) fransuz adibi va faylasufi boʻlgan. Ekzistensializmga oid deb qaralsa-da, Kamyu biror maktab yoki gʻoyaga tegishli boʻlgandan koʻra mustaqil mutafakkir boʻlishni afzal koʻrgan. U shaxsni gʻoyadan ustun qoʻygan. 1945 yilda bergan intervyusida Kamyu shunday degan: “Yoʻq, men ekzistensialist emasman. Sartre va men ismlarimizni yonma-yon koʻrishdan doimo taajjubda boʻlamiz....” (Les Nouvelles litteraires, 15 noyabr, 1945). Ikkinchi jahon urushi yillaridagi Qarshilik harakati qatnashchisi bo'lgan. Ijodiy faoliyati 1937 yildan boshlangan. "Begona" (1942) qissasi, "Sizif haqida asotir" (1942) falsafiy ocherki, "Anglashilmovchilik" (1944) va "Kaligula" (1945) dramalari — inson hayotining maʼnosi toʻgʻrisidagi oʻylardan iborat. "Vabo" (1947) roman-ramziy hikoyasi Qarshilik harakati haqida. Asarlari adabiyot va falsafani yana ham bir - biriga yaqinlashtirgan. Kamyu "Isyonkor odam" (1951) falsafiy ocherki, "Tubanlashuv" (1956) qissasi, "Saltanat va surgun" (1957), "Shved nutqi" (1958) kabi hikoyalar toʻplami muallifi. Nobel mukofoti laureati (1957). "Begona" qissasi va "Vabo" romani Ahmad Aʼzam tomonidan oʻzbek tiliga tarjima qilingan (1995).