Yulduz Usmonova

Vikipediya, ochiq ensiklopediya
Yulduz Usmonova
Yulduz Usmonova.jpg
Maʼlumot
Tavallud topgan sanasi va joyi 12-dekabr, 1963 (1963-12-12)(51 yosh)
Kasbi qoʻshiqchi, musiqachi
Faoliyat yillari 1992—hozirgi vaqt
Veb-sahifasi www.yulduz.uz

Yulduz Usmonova (1963-yil 12-dekabrda Margʻilonda tug‘ilgan) — oʻzbek estrada xonandasi. Oʻzbekiston (1995), Qoraqalpogʻiston (2000) xalq artisti. Toshkent konservatoriyasini tugatgan (1988). Oʻzi tashkil etgan ansamblning yakkaxon xonandasi (1989 y.dan). Dardli va shirali ovoz sohibi. Milliy estrada qoʻshiqchiligiga katta hissa qoʻshib kelmoqda. Usmonova ijodi xonandalik va aktyorlik sanʼatining omuxtaligi, joʻshqinlik, koʻtarinkilik, badiiy izlanuvchanlik, har bir qoʻshiq talqinida musiqa va sahna vositalarining yorqinligi bilan ajralib turadi. Repertuaridan oʻrin olgan aksariyat qoʻshiqlarning (soʻzi va musiqasi) muallifi.

Xalq kuy-ohang andozalarini ijodiy qoʻllash orqali vatanparvarlik ruhidagi joʻshqin monolog, Muhammad Yusuf va boshqalarning sheʼrlari asosida oʻziga xos daʼvat qoʻshiqlarni yaratdi («Hech kimga bermaymiz seni, Oʻzbekiston», «Oʻzingdan qoʻymasin, xalqim», «Elim», «Oʻzbegim», «Xalq yashar») Shuningdek, 20-asr oʻzbek qoʻshiqchiligi anʼanalarida lirik («Nastarin», «Olov yonar yuragimda», «Qizil olma»), hajviy («Nozanin, noziman», «Buxorodan kuyov keldi»), lirik-dramatik («Onaizor», «Gʻiybat, boʻhton oʻldiradi», «Shoh va gado», «Otajon», «Ollohim», «Muhammad Yusufga») qoʻshiqlar, bir qator xorij va qardosh xalqlar estrada qoʻshiqlarini (jumladan, «Ya, habib» (arabcha), «Dunyo» (turkcha), «Parvardigori» (tojikcha)) mahorat bilan ijro etgan.

«Bolajon» kinofilmida bosh qahramon rolini oʻynagan, koʻpgina («Temir erkak», «Olovdagi farishta», «Tohir va Zuhra», «Sarvinoz») kinofilmlar uchun qoʻshiqlar ijro etgan.

Bir necha xalqaro estrada tanlovlari laureati (Yurmala, 1989; Olmaota, 1991). «Sharq qoʻshiqlari qirolichasi» unvoniga sazovor boʻlgan (2000, Turkiya). Ijrolari 3 gramplastinka va 20 dan ortiq kompakt diskga yozilgan. Yevropa, Osiyo, Amerika, Shimoliy Afrika mamlakatlarida gastrolda boʻlgan.

2-chaqiriq Oʻzbekiston Respublikasi Oliy Majlisi deputati.

Diskografiyasi[tahrir]

  • Iz kichiklarini kuylaydi (1992)
  • Olma-olma (1993)
  • Yalli-yalli (1993)
  • Jannona (1995)
  • I Wish You Were Here(ingl.) (1995)
  • Binafsha (1996)
  • Tanlanga albomlar (1997)
  • Dard kelganda sabr qil (1998)
  • Elimda alyorim qolur (1998)
  • Dunyo (1999)
  • Yulduz (1999)
  • Karavan (1999)
  • Tak bum (1999)
  • Oqqan daryo oqaveradi(1999)
  • Hasrat (1999)
  • Ey siz odamlar(1999)
  • Saralangan qoʻshiqlari (1999)
  • Sogʻintirib yashagim kelar (2000)
  • Oshiqlik (2001)
  • Buncha goʻzal bu hayot (2001)
  • Tegaman (2001)
  • Uchmoqdaman (2001)
  • Toʻplam 1 (2001)
  • Toʻplam 2 (2001)
  • Yoshligim — beboshligim (2002)
  • Mega MIX (2002)
  • О любви(rus.) (2003)
  • Mendan meni soʻrama (2003)
  • Men oʻzimni topmasam (2004)
  • Hayotim (2004)
  • Shodligim (2004)
  • Taqdirim (2004)
  • Yondiraman, yonaman (2005)
  • Estrada yulduzlari (2005)
  • Biyo jonam (2006)
  • Ayol (2006)
  • Faqat sabr tiladim (2006)
  • Oʻzbekiston, qanday boʻsang, shunday sevaman (2007)
  • Kerak boʻlsa, jonim fido (2007)
  • İnadım(turk.) (2008)

Videografiyasi[tahrir]

  • Öp
  • Babacim
  • Shekilli
  • Salovat
  • Yana bahor
  • Oq kema
  • Dadajon
  • Oʻp-oʻp
  • Yolg'iz tashlama Olloh
  • Bevafo yorim
  • Oh dilame
  • Ангел мой(rus.)
  • Muhabbat
  • Jon me bari jon
  • Sogʻinch
  • Iymon
  • Sevaman seni (Davron Ergashev bilan duet)
  • Biyo jonam biyo
  • Nadur (Akron Ibodullaev bilan duet)
  • Koʻrmasam boʻlmas
  • Men kimman ayt
  • Qalb
  • Oʻgʻil bola
  • Mendan meni soʻrama
  • Senga
  • Hoppa Hoppa
  • Mutku gunlerden kalma(turk.)

Havolalar[tahrir]