Yagaylo
Yagaylo, Yogayla (taxminan 1350 – 1434.1.6) — Litva buyuk knyazi (1377 – 92, tanaffuslar bilan), Polsha qiroli (Vladislav II Yagello nomi bilan, 1386-yildan) yagellonlar sulolasi asoschisi. Olgerdning oʻgʻli, Gediminning nabirasi. 1380-yil Moskva ulugʻ knyazligiga qarshi Oltin Oʻrda bilan ittifoq tuzgan; Kulikovo jangipa Mamayning ittifoqchisi boʻlgan. Tevton ordeni yordamiga suyangan. 1386-yil 18 fevralda Polsha qirolichasi Yadvigaga uylangan, natijada Ya. Polsha qiroli ham boʻlgan. Biroq muxolifat uni Litvadagi hokimiyatni topshirishga majbur qilgan (1392, Ya.da faqat Litva "oliy knyazi" unvoni qolgan).
1409 – 11 yillardagi Tevton ordeniga qarshi Buyuk urushda va 1410-yildagi Gryunvald jangida ittifoqdosh polyaklitvarus armiyalari qoʻmondoni boʻlgan. Ya. oʻzini iqtidorli tashkilotchi va sarkarda sifatida koʻrsatgan.
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Bu andozani aniqrogʻiga almashtirish kerak. |