Xatshepsut

Vikipediya, ochiq ensiklopediya

Xatshepsut (aynan — izzatikrom qilinadiganlarning birinchisi) — Misr malikasi (mil.av. 1525—03). Firʼavn Tutmos II (mil. av. 1525 — taxminan 1523) ning taxtdoshi, tutingan singlisi va xotini; soʻngra Tutmos III (mil. av. 1525—1473; X.ning oʻgay oʻgʻli)ning taxtdoshi. Amalda ularni hokimiyatdan chetlatib, oʻzini rasman firʼavn deb eʼlon qilgan (rassomlar X.ni soqolli etib tasvirlaganlar). X., asosan, Amon maʼbudi kohinlariga tayangan. Uning davrida Misr Falastin va Suriyadagi mulklaridan ajralgan, Puntga savdo ekspeditsiyasi uyushtirilgan; ibodatxonalar qurilishi avjga chiqqan. X. vafotidan soʻng Tutmos III u haqidagi xotiralarni yoʻqotish maqsadida barcha joylardan uning ismi va tasvirini oʻchirib tashlashni buyurgan.