Toʻylar muborak (film)

Vikipediya, ochiq ensiklopediya
Toʻylar muborak
Rejissor Eduard Xachaturov
Ssenariy muallifi Said Ahmad[1]
Boris Saakov
Rollarda
Bastakor Y. Shiryayev
Muharrir F. Musajonov
Studiya Oʻzbekfilm
Davomiyligi 65 minut
Mamlakat Oʻzbek SSR
Til Oʻzbek

Toʻylar muborak“ (rus. Подарю тебе город) — Eduard Xachaturov 1978-yil yaratgan oʻzbek kinokomediyasi. Bosh rolda Oʻzbekistonda xizmat koʻrsatgan artist Obid Yunusov oʻynagan.[2] Filmda koʻngilchanligi tufayli oʻz toʻyi kuni koʻp odamlarga yordam beraman deb toʻyiga zoʻrgʻa yetib keladigan kuyov haqida hikoya qilinadi.

Sujet[tahrir]

Kuyovni va uning spirtli ichimlik ichib ozgina mast boʻlgan doʻstlarini GAI ishchisi toʻxtatadi. Kuyov taksiga minib doʻstlarini qoldirib toʻyxonaga joʻnaydi. Taksi haydovchisining boshi aylanib koʻzi tinadi va mashinani avariya qiladi. Kuyov taksichini shifoxonaga olib boradi. Shifoxonadan chiqqanidan keyin yoshi katta erkak va uning ayoli kuyovdan oʻz „taksisida“ bir joyga olib borib qoʻyishni iltimos qilishadi. Hamma uni taksichi deb oʻylaydi. Kuyov odamlarni aytgan joylariga olib bora olmasligini aytsa ham unga quloq solishmaydi.

Filmning yakuniga yaqin kuyov bir ayolning uyidagi devorni gips bilan qoplash ustidan bir mardikor bilan savdolashayotganini koʻradi. Mardikor katta pul soʻragani uchun kuyov devorni tezda oʻzi gips bilan qolplashga qaror qiladi. Gipsni suv bilan qorgandan keyin dam olgani oʻtiradi va xayol sura boshlaydi. Gips tezda qotib qoladi va kuyovning oyoqlari qotgan gipsdan chiqmaydi. Kuyovni maxsus mashinada oyoqlari gipsda qotganicha toʻyxonaga olib boradilar.

Manbalar[tahrir]

  1. Said Ahmad. Turonlib. 3-iyun, 2012.
  2. Bi-bi-si mehmoni - taniqli aktyor Obid Yunusovga savol bering. BBCning oʻzbek xizmati (17-mart, 2009). 4-iyun, 2012.

Havolalar[tahrir]