Saylov

Vikipediya, ochiq ensiklopediya

Yashirin ovoz berish yoʻli bilan oʻtkaziladigan saylovlarda saylovchilar oʻz tanlovlarini berilgan varaqaga yozib, saylov qutisiga tashlashadi.

Saylov aholining rasmiy mansabni egallash uchun biror shaxsni tanlashi jarayonidir. Saylov demokratik mexanizm boʻlib, u orqali mintaqaviy yoki mahalliy hukumat boshliqlari, qonun chiqaruvchi hamda ijroiya organlaridagi mansabdorlar tayinlanadi. Bu jarayon shuningdek baʼzi xususiy tadbirkorlik tashkilotlari, klublar yoki koʻngillilar jamiyatlarida oʻtkazib turiladi.

Keng miqyosli saylovlar zamonaviy demokratiyaga xosdir; antik Yunonistonda mansabdorlar asosan qur’a tashlash yoʻli bilan aniqlanar edi (qadimgi Afinada saylovlarda faqat badavlatlar qatnashishi mumkin edi).

Saylovlarning statistik tahlili bilan shugʻullanuvchi fan psefologiya deyiladi.

[tahrir] Oʻzbekistonda saylovlar

Oʻzbekiston Respublikasida Prezident saylovi, hokimiyatning vakillik organlari saylovi umumiy, teng, toʻgʻridan-toʻgʻri saylov huquqi asosida yashirin ovoz berish yoʻli bilan oʻtkaziladi. Oʻzbekiston Respublikasining 18 yoshga toʻlgan fuqarolari saylash huquqiga egadirlar.^[1]

[tahrir] Manbalar

[tahrir] Ishoratlar

• Oʻzbekiston Respublikasi Markaziy Saylov Komissiyasi

Bu siyosat haqida tugallanmagan maqoladir. Iltimos, ushbu sahifani toʻldiring.