Pepe Képler

Pepe

Shaxsiy maʼlumot
Toʻliq ismi	Képler Laveran Lima Ferreira
Tavallud sanasi	26-fevral 1983-yil (1983-02-26)
Tavallud joyi	Maseyo, Braziliya,  Braziliya
Boʻyi	187 sm
Ampluasi	Himoyachi
Klub maʼlumoti
Joriy klub	Pepe Képler [porto C.F.
Raqami	3
Yoshligida aʼzo boʻlgan klublar
2000-2001 2001-2002	Korintians Alagoano Maritimu B
Professional faoliyati*
Yillar	Jamoa	Isht.	(Gol.)
2002–2004 2004-2007 2007 - h.	Maritimu Portu Real Madrid		(63 (3) 64 (6) 94 (3))
Milliy terma jamoa
2007–	Portugaliya		(37 (2))
*Professional klublardagi gollari (ichki chempionat)

Kepler Laveran Lima Ferreyra “Pepe” (portugalcha: Képler Laveran Lima Ferreira "Pepe"; 26 fevral 1983, Масейо) — portugal-braziliyalik futbolchi, Porto futbol jamoasi himoyachisi.

Faoliyati

Maritimu

18 yoshida Braziliyadan Portugaliyaning Maritimu klubi safiga qoʻshildi. Uch yilda davomida yoshlar jamoasida oʻynadi. Anatoliy Bishovets qoʻl ostida u himoya, hujumkor yarim himoyada va hatto hujumchi sifatida ham oʻynadi. 2004 yilda klubni tark etdi.

Portu

Portu futbolchi uchun 1 mln. yevro va hamda yana uch futbolchini berishga rozi boʻldi.
Pepe oʻzining Portudagi birinchi mavsumida asosan zahiradan maydonga tushdi. U asosan oʻsha vaqtlardagi jamoa faxriysi Pedro Emanuel, Xorxe Kosta va Rikardu Koshtalar oʻrniga maydonga tushdi. Lekin keyingi mavsumdan u Adrianse So qoʻl ostida tarkibning asosiy oʻyinchisi boʻla oldi. U Portudagi eng yaxshi himoyachilardan biri boʻlishga erishdi. Oʻsha mavsumda Portu ichki chempionatda gʻolib boʻldi.

Portuda oʻzini koʻrsatishga muvaffaq boʻldi. Iste’dodli himoyachi ekanligini isbotlay oldi va 2007 yili Portudan Real Madrid jamoasiga qoʻshildi.

Real Madrid

10 iyul 2007 yili Real Madrid jamoasi futbolchi bilan 5 yillik shartnoma tuzdi. Unga koʻra, jamoa unga besh yilga 30 mln. yevro maosh toʻlaydi. 15 mart 2008 yili u Deportivo jamoasi bilan boʻlgan oʻyinda oʻzining darvozasiga gol kiritib qoʻydi va oqibatda jamoasi 1-0 hisobida magʻlub boʻldi. Lekin shu mavsumda jamoa La Liga gʻolibi boʻldi. Pepe esa Barselona bilan oʻtgan 1-0 gʻalabali oʻyinda eng yaxshi oʻyinchi nomiga sazovor boʻldi, u deyarli bir oʻzi raqibning hujumlarini toʻxtatishga erishgan edi.
21 aprel 2009 yili Xetafe bilan boʻlgan oʻyinda raqib futbolchilariga boʻlgan qoʻpol munosabatidan soʻng, u 10 ta oʻyindan chetlashtirildi va uning uchun mavsum tugadi.
2009/10 mavsumda Pepe yana asosiy tarkibdan joy oldi. 4 oktabr 2009 yili Sevilya bilan boʻlgan oʻyinda u oʻzining debyut golini kiritdi. Shu yilning 12 dekabrida esa Valensiya bilan boʻlgan oʻyinning birinchi boʻlimning soʻnggi vaqtida noqulay yiqilish oqibatida tizzasidan jarohat oldi va olti oy muddatga safdan chiqdi. 17 dekabrda esa Pepe jarroxlik amaliyotini boshdan kechirdi. Bu jarohati uning 2010-yilda boʻlib oʻtadigan Jahon Chempionatida qatnashishiga toʻsqinlik qilishi mumkin edi.
30 may 2010 yilda Portugaliya milliy futbol terma jamoasi tibbiy shtabi Pepening jarohati butkul tuzalgani va Jahon Chempionati final bosqichida qatnashishi mumkinligini e’lon qildi.
12 iyul 2011 yilda Real Madrid bilan shartnomasini 2016 yilgacha uzaytirdi.

Erishgan natijalari

• FIFAning 2008 va 2012 yillardagi Yevropa chempionatiga tuzgan ramziy terma jamoasiga kirdi.
• Portugaliya chempioni (2006,2007)
• Portugaliya kuboki (2006)
• Potugaliya superkuboki (2006)
• Qita’alararo kubok (2004)
• Ispaniya chempioni (2008, 2012)
• Ispaniya kubogi (2011)
  • Ispaniya superkubogi sohibi (1): 2012

Qiziqarli faktlar

• Pepe “Real Madrid”ning eng tez yuguradigan oʻyinchilar uchligiga kiradi.
• Pepening sevimli mashgʻuloti – Ov.

Havola

• Real Madrid jamoasining rasmiy saytidagi futbolchining sahifasi ^{(ingl.) (isp.)}