Miguel de Cervantes

Vikipediya, ochiq ensiklopediya
Miguel de Cervantes Saavedra
Cervates jauregui.jpg
Tavallud sanasi: 29-sentabr, 1547-yil(1547-09-29)
Tavallud joyi: Alcalá de Henares, Ispaniya
Vafot sanasi: 23-aprel, 1616-yil(1616-04-23)
(68 yoshda)
Vafot joyi: Madrid, Ispaniya
Fuqarolik: ispan
Kasb: romannavis, shoir va dramaturg

Don Miguel de Cervantes Saavedra(miˈɣel ðe θerˈβantes saaˈβeðra; 29 sentabr, 154723 aprel, 1616) ispan yozuvchisi, shoiri va dramaturgi boʻlgan. Uning Don Kixot romani Gʻarb adabiyoti klassikasi hisoblanib, 65'dan ortiq tillarga tarjima qilingan.

SERVANTES Saavedra (Cervantes Saavedra) Migel de (1547, 9.10, AlkaladeEnares — 1616.23.4, Madrid) — ispan yozuvchisi. Iyezuitlarning Valyadolida sh.dagi kollegiyasida (1557—61), keyin Madridda tahsil koʻrgan. Papa muridlari bilan birga 1569 y.da Italiyaga borgan. Yevropa floti ning Lepanto yaqinida turklarga qar shi olib borgan jangida (1571 y. 7 okt.) yaralangan; vataniga qaytishda (1575) dengiz qaroqchilari qoʻliga tushib, Jazoirda 5 y. asirlikda yashagan.

S 1585 y. Madridda nashr etilgan "Galateya" romani bilan tanilgan. Shundan keyin u garchand 20—30 ta pyesa yozgan boʻlsada, bu asarlar izsiz ketgan. Qalam haqi evaziga turmush tebrata olmagan S. 1587 y.da Sevilyaga koʻchib borib, 1603 y.gacha dastlab harbiy, keyin oddiy fuqaro sifatida xizmat qilgan. Ispaniyaning eng yirik portlarida yashash va turli tabaqadagi kishilar bilan muloqotda boʻlish uning soʻnggi davr ijodiga katta taʼsir oʻtkazgan. 1602 y. Sevilya qamoqxonasida boshlagan "Don Kixot" romani (1-qismi) nashr etilishi b-noq (1603) S. Yevropa miqyosida mashhur boʻlib ketadi. Romanning katta shovshuv qozonganiga havas va hasad qilgan A. Fernandes de Avelyaneda taxallusli qalamkash 1614 y.da "Don Kixot"ning soxta davomini yozib, nashr etadi. Bundan gʻazablangan S. 1615 y.da romanning haqiqiy davomi — 2-qismini eʼlon qiladi. S. "Don Kixot"ning har ikkala qismi orasida "Pandnoma hikoyalar" (1613) va "Parnasga sayohat" dostoni (1614)ni yozgan. "Persiles va Sixizmundaning sarguzashtlari" (1617 y. nashr etilgan) romani esa S.ning xastalik paytida yozib tugatgan soʻnggi asaridir. Umrining aksar qismi xorlik va zorlikda kechgan S. oʻlimi oldida rohiblikka oʻtgan.

S.ning adabiy merosida hajviy va ishqiy sheʼrlar, ishqiy qahramonlik va hayotiymaishiy mavzudagi drama va komediyalar hamda koʻplab hikoyalar mavjud. Bu asarlarga xos eng muhim holat va vaziyatlar, niyat va gʻoyalar "Don Kixot"da oʻzining yorqin badiiy tajassumini topgan. Asardagi taqdir bilan murosa qila olmaydigan, har qanday adolatsizlikka qarshi kurashga shay boʻlgan qahramon obrazi oʻz iddizlari bilan 16-a.dagi ispan "yangi ritsar romanlari", shuningdek, Italiyadagi Uygʻonish davri dostonlari va choʻponlar xaqidagi koʻplab hikoyalarga borib taqaladi. Ammo S. bu asarlarga xos qahramon obrazini yaratish anʼanalarini davom ettirishni emas, balki oʻzi yashagan davrda keng tarqalgan "yangi ritsar romanlari" ustidan kulishni, ularga parodiya qilishni oʻziga maqsad qilib olgan. Ayni paytda S. voqelikka realist yozuvchi sifatida yondashib, insonparvarlik gʻoyalarini tarannum qilgan.

"Don Kixot" 19—20-a.larga kelib olamshumul shuhrat qozondi. Xuddi shu davrlarda asarning tragikomik va umuminsoniy ahamiyati ilk bor kashf etildi; unda tasvirlangan ideal va real qodisalar, soxta qahramonlik bilan haqiqiy jasorat, orzuarmon bilan real voqelik oʻrtasidagi keskin farq shu asrlarda kechgan ijtimoiy poʻrtanalar va hayotiy vaziyatlardagi tanazzul mohiyatini oʻzida ifodalash qudratiga ega boʻldi. Ushbu roman asosida jahonning koʻpgina mamlakatlarida sahna (opera, balet, drama), kino (kinofilm, teleserial), musiqa (fantastik variatsiyalar) va tasviriy sanʼat (qaykal va b.) asarlari yaratilgan.

Manbalar[tahrir]

  • Don Kixotning sarguzashtlari, T., 1990.

Adabiyot[tahrir]

  • Frank B., Servantes, M., 1960; Dias — Plaxa G., Ot Servantesa do nashix dney, M., 1981.

Naim Karimov.

Havolalar[tahrir]