Jibuti (shahar)

Vikipediya, ochiq ensiklopediya

Jibuti — Jibuti davlatining poytaxti. Aholisi 395 ming kishi (1999). Iqlimi tropik quruq iqlim, oʻrtacha oylik t-ra 25° dan 35°gacha (maksimum 40°), yillik yogʻin 130 mm. J.ga 1888 y. fransuzlar asos solgan. 1896—1946 y.lar Fransiya Somalisining , 1946 y.dan Fransiyaning "dengiz orti hududi" ning maʼmuriy markazi. 1977 y. 27 iyundan Jibuti Respublikasi poytaxti. Bob ul-Mandab boʻgʻozidan jan.dagi Tajura qoʻltigʻi sohilidagi port. Suvaysh kanali orqali oʻtadigan dengiz yoʻlidagi tranzit punkt. Efiopiyaning tashqi savdosiga ham xizmat qiladi. Xalqaro ahamiyatga ega aeroport bor. J. orqali chetga kofe, moy olinadigan urugʻlar, teri, tuz va b. chiqariladi.

Chetdan neft va neft mahsulotlari keltiriladi. Suyuq gaz tayyorlash zavodi, oziq-ovqat, kemasozlik sanoati korxonalari bor. 1981 y.dan J. erkin port.[1]

Manbalar[tahrir]

  1. OʻzME. Birinchi jild. Toshkent, 2000-yil