Jidda

Vikipediya, ochiq ensiklopediya
(Jeddahdan yoʻnaltirildi)

Jidda — Saudiya Arabistonidagi shahar. Aholisi 1,2 mln.dan ziyod kishi (1990-y.lar oʻrtalari). Qizil dengiz boʻyidagi port. Xalqaro aeroport bor.

Hijoz viloyatining yirik savdo va sanoat markazi. Marmarga ishlov beriladi. Neftni qayta ishlash, neftkimyo, sement, mebel, koʻn poyabzal, toʻqimachilik, oziq-ovqat sanoati korxonalari; poʻlat quyish, ehtiyot qismlardan avtomobil yigʻish va kema remonti, qogʻoz, yogʻ-moy zavodlari bor. Har xil diniy marosim buyumlari tayyorlab sotiladi. J. Makka va Madinaga ziyoratga boruvchilar yoʻlidagi tranzit punkt. Un-t (1967) bor. J. 1946 y.gacha kichik savdo shahri boʻlgan. J. tashqaridan keltiriladigan ichimlik suvi bilan taʼminlangan. Yangi zamonaviy turar joylar, keng koʻchalar, bogʻlar, sanoat inshootlari barpo etilgan. Hoz. vaqtda J. mamlakatning diplomatiya ishlari va elchixonalar joylashgan markazi.[1]

Manbalar[tahrir]

  1. OʻzME. Birinchi jild. Toshkent, 2000-yil