Franz Kafka

Vikipediya, ochiq ensiklopediya
Franz Kafka
Kafka1906.jpg
Tavallud sanasi: 3-iyul, 1883-yil(1883-07-03)
Tavallud joyi: Praga, Avstro-Vengriya
Vafot sanasi: 3-iyun, 1924-yil(1924-06-03)
(40 yoshda)
Vafot joyi: Vena, Avstriya
Fuqarolik: Avstro-Vengriya
Kasb:
Faoliyat: romannavis, hikoyanavis, sugʻurtachi
Yoʻnalish: modernizm
Janr: roman, qisqa proza
Magnum opus: "Jarayon"
"Kuzatish"
"Qoʻrgʻon"
Kafka besh yoshida.

Franz Kafka (talaffuzi: Frans Kafka, 1883, Praga, Avstro-Vengriya — 1924 Vena, Avstriya) — XX asrning nemis tilida ijod qiluvchi asosiy yozuvchilaridan biri, uning ishlarining koʻp qismi oʻlimidan keyin chop etilgan. Ijodini 1909-yilda hikoyalar yozishdan boshlagan. "Kuzatish" (1913) hikoyalar toʻplami, "Hukm", "Goʻloh" (1913), "Oʻzgarish" (1916) hikoyalari alohida nashr etilgan. 1-jahon urushidan soʻng Kafka "Axloq tuzatish koloniyasida" (hikoya, 1919), "Qishloq shifokori" (1919), "Yoʻqsil" (1924) toʻplamlarini nashr etdi. Kafkani dunyoga mashqur qilgan "Amerika" (tugallanmagan, 1914), "Jarayon" (1915), "Qoʻrgʻon" (1922) romanlari, "Xitoy devori qurilishida" (1931) va boshqa hikoyalar toʻplami muallifning vafotidan soʻng eʼlon qilingan. Kafka asarlarida voqealarning mubolagʻali va ramziy tasvirlari orqali insonning nodonlik va jaholat qarshisidagi fojiaviy ojizligi aks ettirilgan. Ularda qonun va inson, nur va zulmat mavhumlik holatida berilgan, bu holatdan qutilishning iloji topilmaydi. Ijodi 20-asr Gʻarb adabiyotiga kuchli taʼsir koʻrsatgan (qarang: Ekspressionizm, Modernizm). "Otamga xat" (Vafo Fayzullo tarjimasi, 2001), "Evrilish", "Ochlik sanʼati" va boshqa asarlari oʻzbek tiliga tarjima qilingan.[1]

Manbalar[tahrir]

  1. OʻzME. Birinchi jild. Toshkent, 2000-yil

Havolalar[tahrir]

VikiOmbor
VikiOmborda Franz Kafka
haqida sahifa mavjud.